منذ شهرقراءة في قصيدة "أحبك سوريا" للشاعر حمدي الروبي..بقلم الكاتبة الجزائرية د/فريدة مساعدية

قالوا ف بلدنا الخبيز صنعة

و ادي العيش لخبازه ..

أخيرا حصل لي الشرف

و شوفت هندسة العجين

رغيف متساوي الأضلاع

أو متساوي الساقين ..

طاقق من جنابه .. منحرف !

رغيف الوطن غلبان مكشر

زامم شفايفه وجع ..

الوش تشكيلي تحفة ..

مفقوعة فيه العين

و القفا مسكوع قلمين ..

رغيف ما بشبعش رضيع

طبل المذيع العتل السمج ..

قال بصوته العفن الوضيع

رغيفنا ده معجزة .. !

رٓچيم .. رِيچيم .. و لسه .. يا بيه ..

رغيف الغلابة اللي كان بتعريفة

طلع عليه الديابة صبح بكام كام جنيه

نور عينيك يا سيدنا راح ..

الليل حالِك .. من تمام حالك

ظهر في فنجان الوطن بؤرتين ..

كانت عينين مكارة

الصوت مهرتل ضاقت فيه العبارة !

الطيبين بيحلموا ب نهار

الصبح كان بشارة ديك ..

في ليلة غامقة كحلي هجم التتار ع الديك

صادورا صياحه طبخوه بفريك ..

صوت الأنين هادر .. الفرح غادر

ما عاد في الروح مزازيك ..

تعديل المقال