رحلة العمر..بقلم/ وفــاء يونــس

السلام على اهل السلام والحب والعطاء والتفاؤل عليكم جميعاً

نعيش دائما نفكر ونفكر لكى نصل الى ما نتمنى. ننام لنحلم ونحقق فى احلامنا احلامنا . نتحرك خطوة ونرجع مرة اخرى من كثرة التردد والخوف من الفشل وكل هذا لعدم الثقة فى قدراتنا وامكانياتنا الكثيرة التى انعم بها الله عز وجل علينا ولذلك اخترت اليوم ان اتكلم عن اهم شئ فى الكون وهو الانسان يعنى عن كل واحد فينا .. ولاننا من اول لحظة فى حياتنا وهى لحظة السماح لنا من الله عزوجل بان نخلق فى هذه الدنيا فهذا فى حد ذاته نجاح لكل انسان فينا ولم نخلق بلا هدف او معنى فكل واحد فينا خلق لسبب وعلى كل منا ان يبحث فى ذاته عن سبب وجوده فى الحياة .. فكم من اشخاص كثيرين لم يسمح لهم ان يجيئوا الى الارض او يستنشقوا هواء الدنيا فكان منهم من الممكن ان يكون طبيبا او عالما او مخترعا ولكن امر الله عز وجل لم يكتب لهم الحياة .. وكتب لك انت ان تخرج الى الدنيا وتستنشق عبير فعليك ان تختار انت ان تكون انسانا عاديا او تكون مميزا لذلك تعالوا معى نعيش بشكل جديد ونتخيل رحلة العمر التى بها ستعرف من انت . تعالوا نتخيل .....!!! تخيل نفسك لو مسافر رحلة لازم لازم تسافرها ممكن تقول مثلا شغل كنت بتتمناه من زمان وقدمت كتيير فى كل المؤسسات واخيرا تمت الموافقة على طلبك وجهزت شنطة السفر.. وانت فى طريقك للمطار فضلت تفكر وتتخيل وتحلم بكل امنياتك واحلامك اللى نفسك تحققها وازاى تبنى اسرة وتعلم اولادك وقبل اى شئ تفرح والدك ووالدتك واخواتك واولا واخيرا بلدك التى ستتمنى ان ترجع لها مرفوع الرأس وتشرفها فى كل مكان ستكون فيه .. الان وصلت الى المطار وطلعت الى الطيارة ولحسن حظك قعدت جنب كابينة الطيار وعينك لقيتها رايحة على كابينة الطيارة اللى مليانة زراير وتكنولوجيا وفجأة ... دخل كابتن الطيارة الكابينة وقبل ان يقفل باب الكابينة شوفته بيبص على كل الزراير باستغراب وبيكلم المساعد بتاعه وسمعته بيقوله اكتر جملة مرعبة ممكن تسمعها فى حياتك وهى .. (هى الزراير دى بتاعة ايه) ....... يا لهول الصدمة على عقلك وقلبك فى اللحظة دى واول شئ جيه فى بالك ساعتها انك تقوم تجرى وتنزل من الطيارة .. بس للاسف فات الاوان خلاص انت ركبت الطيارة والطيارة خلاص فى الجو وكمان هى دى الطيارة الوحيدة اللى هتوصلك للمكان اللى انت رايحه. طبعا هتضطر تقعد وخلاص وتكون ساعتها رحلتك كلها رعب وخوف وقلق طول الوقت .. وتفضل كل لحظة تفكر هتموت امتى وتلاقى كل احلامك وامنياتك انتهت من قبل ما تتحقق . انت عارف الرحلة دى ايه والطيارة دى ايه ؟؟ الرحلة هى مشوار حياتك اللى انت جيت فى الدنيا عشان تعيشها صح وتستغل كل دقيقة وكل لحظة بطريقة صح . والطيارة هى الوسيلة اللى هتوصلك لحلمك ونجاحك. والزراير دى كلها هى كل امكانياتك اللى انت متعرفش عنها أى حاجة. يا ترى هتسوق طيارتك وتعيش فى رعب طول حياتك لانك مش فاهم كل امكانياتك؟ ولا هتعرف كل زرار هتستفيد منه ايه.. وازاى وايه فايدته وايه الضرر منه عشان متحصلكش كارثة وتموت وانت فى الطريق وانت مش فاهم حاجة .. دوووووس على كل زرايرك واعرف كل امكانياتك اوعى تسيب اى زرار من غير ما تستعمله استغل كل حاجة جواك ومتوقفش نفسك ابدااااا اعرف السبب فى وجودك فى الدنيا انت متخلقتش عشان تضيع عمرك هدر بص قدامك اصنع طريق النجاح بنفسك واياك تلعن الظروف لان النجاح عمره ما كان سهل لانك كنت هتشوف كل الناس فى الدنيا ناجحة لكن النجاح صعب وصعب قوى كمان ومش هيوصله غير حد قوى بيؤمن بقدراته وواثق فى نفسه وفى الله عزوجل اولا .. انجح عشان كل الناس اللى عايزة تشوفك وانت فاشل .. انجح عشان كل الناس اللى بتحبك .. انجح عشان بلدك محتاجة لكل واحد ناجح ..

Trainer & consulting.. wafaa younis