ارمى حقدك برا قلبك
حتى كرهك ادفنه
شيل هموم الغير يشيلك
واوعى مره تالمه
خلى حب الخير فى بابك
واوعى مره تقفله
خلى كل الناس صحابك
واوعى جارك تخسره
على صوتك فى الحق يكبرك
واحذر ضعيف تظلمه
اوعى توبك مره يغيرك
كل شيء راح تهدمه
عايز تعرف مره فى يوم عيوبك
بص فى مراية صحابك
قبل ماتنام شوف حساب اليوم عليك
مستنى ايه لقلبك طهره
الصلاه كم وقت منها فاتك
يلى قوم وقت ربك كمله
ولاضامن صبح تانى يجيك
راجع حسابك وبطل تركنه
قوم وصلى وادع ربك بحبه يسعدك
عمر بجرى والشيطان بيسجدك
دوس عليه مستنى ايه قوم اهزمه
وافتكرنى بدعوه وقت التجلى والرضى
راح تلاقى قلبك عمران فىه الهدى
زيد وصلى على خير الورى
حبه نور القلب والله بيه اهتدى
زيد وصلى على خير الورى
ليست هناك تعليقات:
إرسال تعليق