بتشكي ليه من الوجع
وتقول لمين موجوع؟
الشكوي لحد تاني
لا حسك ولافاهم الموضوع
كأنك مشيت ف طريق الجراح
ما منه رجوع
هيبكي قلبك دم
ومش هتجف في عيونك دموع
دا جرحي أنا من زمان
ساكن بين الضلوع
قسيت كتير من الناس
وحب خاين مصنوع
لا يوم عرف قيمتك
ولوقدت ايديك شموع
ولوصرخت بأعلي صوت
صوتك ماهوش مسموع
آه ياقلبي
مدينة الحزن عنوانها
علي جدرانك مطبوع
لاتقدر تغادر منها
ولا تاخد منها حقك المشروع
مكتوب تفقد أهلك وحبايبك
وتعيش وحيد مقطوع
وازاي هتخرج ياقلبي
من حزنك والخروج ممنوع
بتكذب علي نفسك وعارف
ان فجر فرحك ما منه طلوع
بتشكي ليه من الوجع
وهتقول لمين موجوع ؟؟
ليست هناك تعليقات:
إرسال تعليق