البقاء للأقوى..بقلم/ أسامه عبد القادر أحمد

لسه كورونا معانا 

ومسيطر بحضوره
ومطول في أذيتنا 
وقاعد وفارش منديله 
في ناس بتهرب منه 
وخايفه من تغفيله 
يخشلهم من عطسايه
ويبقى وجب تحليله 
وفي ناس ولا ف.دماغها 
ماشيين ف.السوق ف.الزحمه 
ولاهممهم خالص 
منه ومن أخطاره
كورونا أنفلونزا 
ياما خدتنا معاها 
بس بنرجع تاني 
ولابنروح وياها 
إمتى تروح ولاترجع ؟
ولايؤذينا بلاها
المرادي مصره 
تسحبنا نروح وياها 
هيجيلها يوم وهتضعف 
وقوتها هننساها 
في دنيا البقاء للأقوى 
واللي يقدر يحياها 
وساعتها افتكروني 
لو كنت عايش جواها ...
أسامه عبد القادر أحمد