رمضان أهلا..كلمات الشاعر/ أسامه عبد القادر أحمد

محتاجين رمضان 
يطبطب على قلوبنا 
ويمسح على أوجاعنا 
وياخد بإيدنا زي زمان 
محتاجينه قوي 
لجل مايحنن علينا الأيام 
العالم كله محتاجله
لطهارة قلبه
ونقاوة حبه 
وصادق نصحه
شهر الفقير والغني 
والإحساس الجميل بالغير 
بالعباده أيامه بتحلى 
صلاه وصوم 
وتلاوة القرآن وماأحلي 
شهر النفس المطمئنه 
والقلوب العطشانه لرضا ربها 
أيامه صوم كلها 
وصوم الجوارح أهمها 
الصوم عن أي أذى أوشر 
وعن المعاصي 
وعن كل مايضر 
أهلا بيك ياشهرنا 
اغسلنا بحبك من أوجاع كورونا 
وبطهرك من أدران معاصينا 
وخد بإدينا وطبطب علينا
وانظر بنظرة شفقه للبشريه المعذبه 
وشاركها همها
وارفع إديك معانا ندعي ربنا 
وانت دعواتك كلها مقبوله 
من وقت ماجيتنا منذ أيامك الأولى
بإنه سبحانه يلطف بينا وبالناس كلها 
وإن الرساله خلاص وصلت 
لكل الدنيا شرقها وغربها 
بأن رينا هو صاحب القدره 
وخالق الدنيا 
لايرضى بظلم الإنسان لأخيه الإنسان 
ولايرضى بالتعالي والتكبر 
ولا بسرقة الشعوب ونهب أرضها 
بالقوه والتجبر 
وبإن العالم لازم يفوق من غفلته 
ويعبد اللي خلقه وهداه لسكته 
وبإن الإسلام هو دين البشر 
وبإن محمد هو النبي المعتبر 
خاتم الأنبياء اللي علمنا 
وساعدنا على رفع الضرر
أهلا بيك بنقولها ياشهرنا 
أهلا بيك نورت الدنيا 
يارمضان ...
أسامه عبد القادر أحمد