قصيدة عامية بقلم محمدعاشور قاص وروائى
.................انا مصرى
انا مصرى انا اصلى
..............و راسى فى السما مرفوع
تاريخى عدى على بكرة
.................حناله الراس بكل خشوع
و جت شله من السفها
................ قالولنا كلام كتير مصنوع
قالوا لازم عشان ابنك
....................حتتحمل كمان وتجوع
اتارى جدى. و ابويا
................نشف ريقهم بدا الموضوع
وجاى الدور على ابنى
..............عشان يعطش كمان ويجوع
وهم ياكلوا. ،يتهنوا
.................ويتمنوا. وانا الموجوع
و انا وجعى سكن قلبى
................ومات املى وانا المخدوع
وليه الدنيا. ضحكالهم
....................وليه عندى انا بتموع
يا ريت بكره يكون أحلى
............... ولا يكونش الأمل ممنوع
وتصبح مصر. يوم لينا
.................بجد الجد دا الموضوع
ليست هناك تعليقات:
إرسال تعليق