ازعل على أيه بقلم / همس الشريف

وازعل على أيه فى ايه فى الدنيا يتزعل عليه

أيام وفاتت دقة قلب وماتت عشره وهانت حكاية حب وكانت

فى ايه ممكن ازعل عليه

* تفتكر أنت يتزعل عليك *
حبك ليا كا ن كدبه
، وعملت قلبى فى ايدك لعبه
، ودموع عنيا كانت لك ضحكه

عيشتنى فى وهم وخيال
كله كان كلام فى كلام ليا ولغيرى بيتقال
كنت مجرد تسليه ليك

عملتنى لعبتك وفي وقتك الفاضى كدبتك
أنا بسالك بذمتك أنت يتزعل عليك

فاكر ممكن ارجع تانى ليك
و أكون بين ايديك أو لحظه قلبى يدق ليك

أسفه حبى خساره فيك

اخلصتلك واديتك كل حاجه ماكنتش ليك كنت
فاكره انى أمانه بين ايديك

بس أنت خنت الامانه ومافضليش غير الدموع اللوامه من الغدر والخيانه

*بذمتك أنت يتزعل عليك*

ممكن تنزل دموعي على حب هان
على واحد كداب وخان .؟

ﻻ دا مستحيل ابكى على ناكر الجميل وعيون خاينين

بينى وبينك حاجز عالي من دموع وآنين وجرح السنين وآلم الليالى

وأخر كلامى بقولك أسفه انى حبيتك
ومن عمرى اديتك وعلى قلبى امنتك

قلبى وفي مش من قيمتك
أنت عايز قلب من طينتك
انا عمرى ماهزعل عليك