اعتذر
ايوا حقيقى باعتذر
باعتذر على كل دمعة من عنيك
نزلت فى للوم
وباعتذر على نهر دمعى الى ما قدر
حبك يوقف سيوله يوم
وبعذابى كنت باعوم فى ميته
صدقنى عوم
وباعتذر على الحنان الى قدمه
قلبى لقلبك
وباعتذر على كتر حبى الى ما عرف
مقامه حبك
باعتذر فى حاجات كتير
حقيقى تستحق الاعتذار
زى كل لحظة فى بعدك وانا قايد
فى قلبى نار
زى ما كنت ترجع وكانك
ما بعدتش
وكنت تشوف العتاب فى عينى
وكانك ابدا ما شفتش
انا حبيبى باعتذر
لقلبى وحبى
وباعتذر لقلبك انت الى ما سبتهوش
فى يوم يسبنى
باعتذر لكل دقة قالت بحبك
باعتذر وكانى شمعة
انا حبيبى دابت فى حبك
باعتذر.......................
ليست هناك تعليقات:
إرسال تعليق