حروف اسمك..مايسه العشى

حروف اسمك بتندهنى
و تسقينى الهنا وتروينى

وكل حرف فى اسمك
دى نغمه بتشجينى
بدور على حرفك
مابين الكلمه والتانيه

واتذكر جمال قربك
وضحكه قلبك وانا جنبك

حروف اسمك ليها معنى
بيحي الحب جوايا
وريحه عطرك مابين
الحرف والتانى

حروف بتسلم وتتكلم
وتحكى كمان وتتالم
من الشوق بعيد عنى

حروف اسمك بتحينى
تسلينى فى ليل بعدك
وبين الحرف والتانى
حنان قلبك

حروف اسمك تنور لى
لياليه وتشرق بيها ايامى