قيكي ايه..كلمات الشاعر/ أسامة طايع

فيكى ايه

فيكى حاجه مش عارفها
فيكى حاجه مجنانى
حاجه حلوه نفسى اعشها
حاجه لخبطت كيانى
فيكى نظره ولا بسمه
فيكى همسه ولا ضحكه
فيكى ايه
فيكى غربه بتتمحى
فيكى وحشه بتتنسى
فيكى عشق بيتولد
فيكى ايه
نظرة العين اللى تسحر
ولا ضحكه فيها قلبى يكون اسير
ولا ايه .. لحن صوتك ولا صورتك
ولا ايه .. الحنان اللى ف كلامك
ولا ايه .. عشقى ليكى مش كفايه
عشق ايه
عشقى للنفس اللى خارج من ضلوعك
ولا ضمت ايدك اللى فيها بكون وليد
عشق ايه
عشقى للحرف اللى خارج من ثنايا ثغرك البسام بيضحك
عشقى للكلمه الجميله عشقى للنظره الحزينه
عشق ايه .. عشقى ليكى عمره ما فيوم يتوصف
ولا ايه
الحكايه انها كل النساء
الحكايه انها رحلة وفاء
الحكايه فيها ايه
الف كلمه والف سطر
الف غنوه والف لحن
الف عشق وعشق ما يكفى شوقى ليك
فيكى ايه

#الشاعر_اسامه_طايع2014
#من_ديوان_إيزيس .. تحت الطبع